18 ივლისს საქართველოსა და კუბის საგარეო უწყებათაშორისი პოლიტიკური კონსულტაციების მე-4 რაუნდი გაიმართა
2022 წლის 18 ივლისს, ვირტუალურ ფორმატში, საქართველოსა და კუბის საგარეო უწყებათაშორისი პოლიტიკური კონსულტაციების მე-4 რაუნდი გაიმართა. დელეგაციებს ხელმძღვანელობდნენ: საქართველოს მხრიდან საგარეო საქმეთა მინისტრის პირველი მოადგილე ლაშა დარსალია, ხოლო კუბის მხრიდან საგარეო ურთიერთობათა მინისტრის პირველი მოადგილე ჰერარდო პენიალვერ პორტალი.
ხაზი გაესვა ორ ქვეყანას შორის დიპლომატიური ურთიერთობების დამყარების 30 წლისთავს. განხილულ იქნა ეკონომიკური და კულტურული თანამშრომლობის შესაძლებლობები. აღინიშნა ურთიერთპატივისცემაზე დაფუძნებული დიალოგისა და თანამშრომლობის მნიშვნელობა. ქართულმა მხარემ მადლიერება გამოხატა კუბის მხრიდან ჩვენი ქვეყნის სუვერენიტეტისა და ტერიტორიული მთლიანობის მტკიცე მხარდაჭერისთვის.
